ဆက်၍မပွင့်တော့သောနှင်းဆီများ

ဒီစာအုပ်က ဆရာမ ရှစ်လအချိန်ယူပြီးရေးခဲ့တဲ့ စာအုပ်ဖြစ်ပါတယ်  စိတ်နယ်လွန်ဖြစ်ရပ်ဆန်းတွေ အများကြီးရှိတဲ့ နိုင်ငံတစ်ခုမှာ ဇာတ်အိမ်စတည်ခဲ့တယ်လို့လည်း သိရပါတယ်။ အသံနဲ့ပါနားထောင်လို့ရတဲ့ ဇာတ်ဝင်ခန်းတွေလည်းပါဝင်ပါတယ် စာမျက်နှာလေးရာကျော်ရှိတဲ့ စာအုပ်ကိုဖတ်ရင်း နိုင်ငံပေါင်းစုံကို ရောက်သွားရလိမ့်မယ်။ လောကသစ်၊အယူအဆသစ်တွေကို တွေ့မြင်ခံစားရလိမ့်မယ်။

ဆရာမရဲ့
ဆက်ရန်ရှိသေးသည်
ဆက်ရန်မရှိတော့ပါ  ဆိုတဲ့ စာအုပ်တွေကို နှစ်ခြိုက်စွဲလမ်းခဲ့ကြတဲ့ စာဖတ်ပရိတ်သတ်ရဲ့ တောင့်တမျှော်လင့်မှုတွေကို ဖြည့်ဆည်းပေးလိုက်တဲ့ စာအုပ်တစ်အုပ်ဆိုတာကိုလည်း သတင်းစကားပါးချင်ပါတယ်။ 
 

အနောက်နိုင်ငံသားများရဲ့ မမြင်အပ်သော လောကဆိုင်ရာ..ထူးဆန်းတဲ့အယူအဆတွေကို ဗုဒ္ဓဘာသာရှုထောင့်ကနေ ချဉ်းကပ်ပြီး နှိုင်းယှဉ်ရေးသားထားခဲ့တာကိုလည်း တွေ့ရပါတယ်။

ဒီစာအုပ်မှာမွှေးပျံ့တဲ့နှင်းဆီရနံ့တွေ၊ တယောသံ၊အတိတ်နဲ့ ပစ္စုပ္ပန်ကာလရဲ့ ရှုပ်ထွေးမွန်းကြပ်မှုတွေထဲမှာ အမျိုးသမီးဇာတ်ကောင်ဟာ လွန်းထိုးလှုပ်ရှားနေခဲ့တယ်။

It’s all possible ,if you believe လို့ စာအုပ်အစမှာ ဆရာမရေးခဲ့တဲ့အတိုင်း
သင်ယုံကြည်တယ်ဆိုရင်တော့ အရာရာဟာ ဖြစ်နိုင်တာပါပဲ။


📖 စာမျက်နှာ - ၄၇၉