မျှော်လင့်ချက်တို့ရှင်သန်ရာ စာကြည့်တိုက်

အလုပ်နဲ့ ဘဝမှာ ပင်ပန်းနေပြီဆိုရင် ဒီစာအုပ်လေး ဖတ်ကြည့်ပါ။ ဒီစာအုပ်မှာ အသက်အရွယ်အပိုင်းအခြား မတူညီတဲ့ လူငါးယောက်ရဲ့တစ်ယောက်ချင်းစီအကြောင်းကို အပိုင်းလိုက် ရေးသားထားပါတယ်။
 

အဲဒီအကြောင်းအရာတွေကို ချိတ်ဆက်ပေးတဲ့ အဓိကဇာတ်လမ်း ကျောရိုးကတော့ ဂျပန်နိုင်ငံရဲ့ ရပ်ကွက်တစ်ခုမှာ ရှိတဲ့ အသင်းတိုက်ရဲ့ စာကြည့်တိုက်ပါ။ ဇာတ်ကောင်ငါးယောက်ဟာ ဘဝကို အားမလို အားမရဖြစ်ပြီး ကိုယ်စီ ပြဿနာတွေနဲ့ စိတ်ဓာတ်ကျနေတာ.။
 

မမျှော်လင့်ဘဲ စာကြည့်တိုက် ရောက်သွားတော့ စာကြည့်တိုက်မှူးရဲ့ စကားတွေ၊ သူ ညွှန်းပေးတဲ့ စာအုပ်ရယ်၊ ပေးလိုက်တဲ့ မေတ္တာလက်ဆောင်ရယ်ကြောင့် ဘဝနေနည်းကို ရှာဖွေတွေ့ရှိလာတာမျိုးပါ။
 

ဇာတ်ကောင်ငါးယောက်ကိုလဲ မထင်မှတ်ထားတဲ့ ပုံစံလေးတွေနဲ့ ချိတ်ဆက်ပေးထားသေးတယ်။ တငြိမ့်ငြိမ့် ဝတ္ထုလေးကိုမှ ဇာတ်ကောင်စရိုက်ရယ် စာကြည့်တိုက်တွေရဲ့ ပြောင်းလဲစေတတ်တဲ့ စွမ်းအားရယ် ပေါင်းစပ်ထားတာမို့ စာဖတ်သူတွေအတွက် စိတ်ချမ်းမြေ့စေတဲ့ ဝတ္ထုကောင်းလေးပါ။
 

ဒီစာအုပ်ဟာ ဂျပန်မှာသာမက နိုင်ငံတကာမှာပါ လူကြိုက်များပြီး ရောင်းအားအကောင်းဆုံးဖြစ်ခဲ့သလို ဘာသာပေါင်း ၂၀ ကျော် ပြန်ဆိုခဲ့ကြတဲ့ စာအုပ်တစ်အုပ်လည်း ဖြစ်ပါတယ်။


📖 စာမျက်နှာ-၂၄၈