အမေရိကန်နိုင်ငံမှာ အောင်မြင်တဲ့ဘဝတစ်ခု တည်ဆောက်မယ်ဆိုလျှင်

အမေရိကန်နိုင်ငံမှာအခြေချပြီး အောင်မြင်တဲ့ဘ၀တစ်ခု တည်ဆောက်လိုသူတွေအတွက်

“အမေရိကန်အိပ်မက်ဆိုတာ ကံကိုယုံပြီးဆုတောင်းနေတာထက် စွန့်စွန့်စားစား Risk ယူ၊ ကြိုးစားတည်ဆောက်ပြီး အောင်မြင်လာတာပါ။”
 

လူတော်တော်များများ American Dream ရှိကြတယ်။ ဆင်းရဲတဲ့နိုင်ငံ၊ ချမ်းသာတဲ့နိုင်ငံ၊ နိုင်ငံပေါင်းစုံကလူတော်တော်များများ အမေရိကန်နိုင်ငံမှာ အခြေချပြီးဘ၀တစ်ခုတည်ဆောက်လိုကြတယ်။ ဘာကြောင့်လဲဆိုတော့ အမေရိကန်နိုင်ငံမှာ ပညာသင်မလား၊ အလုပ်လုပ်ပြီး ငွေရှာမလား၊ စီးပွားရေးနဲ့ ရင်းနှီးမြှုပ်နှံမှုလုပ်မလား စသဖြင့် ဘာပဲလုပ်လုပ် ပိုကောင်းတဲ့အခွင့်အလမ်းများစွာရှိနေလို့ပါပဲ။

အမေရိကန်နိုင်ငံဆိုတာ Land of Opportunity ကိုယ်ဖြစ်ချင်တာ ကြိုးစားပိုင်ခွင့်ရှိတယ်။ အမေရိကန်နိုင်ငံကို တစ်ယောက်တည်းလာပြီး အစအဆုံး ကိုယ်ထူးကိုယ်ချွန်ကြိုးစားခဲ့ပြီး ကိုယ့်ရဲ့ American Dream ကို အကောင်အထည်ပေါ်အောင် ကြိုးစားခဲ့သူတစ်ယောက်အနေနဲ့ ဒီစာအုပ်ဟာ အမေရိကန်နိုင်ငံကိုလာချင်သူ၊ အမေရိကန်နိုင်ငံကို လာတော့မယ့်သူ၊ အမေရိကန်နိုင်ငံကိုရောက်ခါစသူတွေအတွက် အသုံးဝင်မယ့်စာအုပ်တစ်အုပ်ဖြစ်ပါတယ်။ 
 

ဒီစာအုပ်မှာ 

အမေရိကန်နိုင်ငံမှာအခြေချနိုင်မယ့် နည်းလမ်းတွေ၊ ပညာရေးဆိုင်ရာအခွင့်အလမ်းတွေ၊ အလုပ်အကိုင်နဲ့ ဝင်ငွေကောင်းစေမယ့် အကြံဉာဏ်တွေ၊ သိထားသင့်တဲ့ လူမှုပတ်ဝန်းကျင်နဲ့ ဓလေ့စရိုက်တွေ၊ အမေရိကကို ခက်ခက်ခဲခဲရောက်လာပြီး အောင်မြင်တဲ့ဘ၀တစ်ခုတည်ဆောက်နိုင်တဲ့သူတွေရဲ့ဇာတ်လမ်းတွေ စသဖြင့် ဖတ်ရှုရမှာဖြစ်ပါတယ်။

အမေရိကရောက်မြန်မာတစ်ဦးရဲ့ အတွေးအမြင်နဲ့ အတွေ့အကြုံတွေဝေမျှထားတဲ့ ဒီစာအုပ်ဟာ အမေရိကန်အိပ်မက်မက်ထားတဲ့သူတွေအတွက် အထောက်အကူဖြစ်မယ့်စာအုပ်တစ်အုပ်ဖြစ်ပါတယ်။

📖 စာမျက်နှာ - ၂၁၅