မိမိကိုယ်တွင် ရင်းနှီးမြှုပ်နှံခြင်း

"ရင်းနှီးမြှုပ်နှံမှုအားလုံးထဲမှာ ကိုယ့်ကိုယ်ကိုယ်ရင်းနှီးမြှုပ်နှံခြင်းက အကောင်းဆုံးရင်းနှီးမြှုပ်နှံမှုပဲ" ဘ၀မှာ ကိုယ်ရည်မှန်းထားတဲ့ Level ကိုရောက်ဖို့ပဲဖြစ်ဖြစ်၊ အလုပ်မှာ တိုးတက်ဖို့ပဲဖြစ်ဖြစ်၊ စီးပွားရေးနဲ့ ရင်းနှီးမြှုပ်နှံမှုမှာအကျိုးအမြတ်ကောင်းကောင်းရဖို့အတွက်ပဲဖြစ်ဖြစ် ပထမဆုံးအရေးကြီးဆုံးကတော့ ကိုယ်တိုင်အရည်အချင်းပြည့်မီနေဖို့ပဲ။

အဓိကအားဖြင့် ကိုယ်လုပ်နေတဲ့နယ်ပယ်မှာ အမြင့်ဆုံးစွမ်းဆောင်ရည်ရဖို့၊ အမြင့်ဆုံးအအကျိုးမြတ်ရဖို့အတွက် လိုအပ်တဲ့ကျွမ်းကျင်မှု၊ လိုအပ်တဲ့လုပ်နိုင်စွမ်း ရှိထားဖို့လိုတယ်။

ကိုယ်က ပရော်ဖက်ရှင်နယ်တစ်ယောက်ဆိုရင် ကိုယ့်အလုပ်မှာတစ်ဖက်ကမ်းခပ်ကျွမ်းကျင်လေ အမြင့်ဆုံးဝင်ငွေကို ရနိုင်လေပဲ။ ဒီလိုပဲ စီးပွားရေးနဲ့ ရင်းနှီးမြှုပ်နှံမှုလုပ်မယ်ဆိုရင်လည်း Business နဲ့ Investment နဲ့ဆိုင်တဲ့ အသိပညာတွေ၊ ကျွမ်းကျင်မှုတွေ မဖြစ်မနေလိုအပ်ပါတယ်။ 

ဘ၀မှာ အခွင့်အလမ်း (Opportunity) တွေက တစ်ချိန်မဟုတ်တစ်ချိန်လာနေတာပဲ။ ကိုယ်က အဆင့်သင့်ရှိမနေရင် အခွင့်အလမ်းတွေ ဘယ်လောက်လာလာ ခင်ဗျား လက်လွှတ်နေရမှာပဲ။ အဆင့်သင့်ဖြစ်နေဖို့အတွက်ဆိုရင် ကိုယ့်ကိုယ်ကိုယ်တည်ဆောက်ထားရမယ်။

ဆိုတော့ ကိုယ့်ရဲ့ ပိုကောင်းတဲ့အနာဂတ်ဘ၀ကို ပိုင်ဆိုင်နိုင်ဖို့အတွက် ကိုယ့်ရဲ့အချိန်၊ ငွေကြေး၊ Energy တွေကို အရင်းအနှီးပြုပြီး ရင်းနှီးမြှုပ်နှံဖို့ အရေးကြီးပါတယ်။ တစ်နည်းအားဖြင့် ပိုကောင်းတဲ့ အနာဂတ်ကိုရဖို့အတွက် ကိုယ်တိုင်တိုးတက်ပြောင်းလဲနေဖို့လိုပါတယ်။ အရေးကြီးတာက ပုံမှန်တိုးတက်ပြောင်းလဲဖို့အတွက် လေ့လာမှုတွေ လေ့ကျင့်မှုတွေနဲ့ တစိုက်မတ်မတ်တည်ဆောက်သွားဖို့ပဲ။ နှေးတာက ပြဿနာမဟုတ်ဘူး။ ရပ်မနေဖို့နဲ့ လုပ်လိုက်မလုပ်လိုက်ကောက်ရိုးမီးမဖြစ်ဖို့ပဲလိုတယ်။

ဒီစာအုပ်မှာ ကိုယ့်ကိုယ်ကိုယ်ရင်းနှီးမြုပ်နှံခြင်းနဲ့ပတ်သက်တဲ့ စာစုတွေကို စုစည်းထားပါတယ်။ Personal Development နဲ့ Career Development ဆိုပြီး အပိုင်းနှစ်ပိုင်း ပါဝင်ပြီး အဓိကအားဖြင့် ကိုယ့်ရဲ့အလုပ်နဲ့ ဘ၀မှာတိုးတက်ပြောင်းလဲဖို့၊ အသက်မွေးဝမ်းကျောင်းနဲ့ ဝင်ငွေဖန်တီးမှုမှာ နောက်တစ်ဆင့်မြှင့်တင်ဖို့အတွက် ဝေမျှမှုတွေလို့ ပြောလို့ရပါတယ်။
 

📖 စာမျက်နှာ - ၂၀၂