လူကဲခတ်ခြင်း အတတ်ပညာ

"တစ်ဖက်လူရဲ့ စိတ်ထဲမှာ ဘာတွေတွေးနေလဲဆိုတာကို ကြိုတင်ခန့်မှန်းနိုင်တဲ့ အရည်အချင်းဟာ ဘဝအတွက် အားအကောင်းဆုံး လက်နက်တစ်ခုပါ"

ကိုယ့်ပတ်ဝန်းကျင်မှာ လူတွေရဲ့ စရိုက်ကို အလိုလို သိနေတတ်တဲ့သူမျိုးတွေကို တွေ့ဖူးပါသလား။ သူတို့ဟာ တစ်ဖက်လူ ဘာပြောတော့မယ်၊ ဘာကြောင့် ဒီလိုပြုမူတယ်ဆိုတာကို သိနေသလို၊ တစ်ယောက်ယောက်က လှည့်စားဖို့ ကြိုးစားရင်တောင် ချက်ချင်းရိပ်မိတတ်ကြပါတယ်။

ဒီလိုမျိုး လူတွေကို ဖတ်တတ်တဲ့ အရည်အချင်းဟာ CIA အေးဂျင့်တွေ ဒါမှမဟုတ် စုံထောက်တွေဆီမှာပဲ ရှိတာမဟုတ်ပါဘူး။ ဒါဟာ လူတိုင်း လေ့လာသင်ယူလို့ရတဲ့ အတတ်ပညာတစ်ခုဖြစ်ပြီး နေ့စဉ်လူမှုဆက်ဆံရေးမှာ ကိုယ်လိုချင်တဲ့ ရလဒ်တွေရဖို့နဲ့ အဆင်ပြေချောမွေ့တဲ့ ဘဝကို ပိုင်ဆိုင်ဖို့အတွက် အလွန်ပဲ တန်ဖိုးရှိပါတယ်။ တစ်ဖက်လူရဲ့ နှုတ်ကမပြောတဲ့ ရည်ရွယ်ချက်တွေကိုပါ တိတိကျကျ ဆန်းစစ်နိုင်ပြီဆိုရင်တော့ သင်ဟာ ဘယ်သူနဲ့မဆို ထိရောက်စွာ ဆက်သွယ်ပြောဆိုနိုင်သူတစ်ယောက် ဖြစ်လာမှာပါ။ 
စာမျက်နှာ ၂၄၁